Blogen teknikan trebatzeko pausoak eta aukerak

Zer dakizu egiten?

- Blogger-en blog bat sortzen.
- Txantiloia eta formatoa aldatzen.
- Ordua konfiguratzen.
- Iruzkinen aukerak konfiguratzen.
- Iruzkin bat idazten den bakoitzean e-postaz mezu bat jasotzeko aukera aktibatzen.
- Idazteko baimenak ematen.
- Testuzko sarrerak idazten.
- Hitz edo esaldi bati lotura txertatzen (link).
- Sarrera batean irudiak txertatzen.
- Sarrera batean bideo edo audio txertatzen.
- Blogaren elementu iraunkorrak:
* Lotura zerrenda bat sortzen.
* Irudi bat jartzen.
* Azken iruzkinen hasierak azaltzeko zerrenda bat sortzen.
- Bisiten informazioa jasotzen.

Ikastetxe publikoetarako zenbait deialdi

Hezkuntza Sailak argitaratu ditu irakasleen ordutegi berezia behar duten proiektuak eskatzeko deialdiak. Hemen aurki ditzakezue:
Euskarazko dokumentuak.
Gaztelaniazko dokumentuak.

Haien artean 'Curriculum Aniztasuna' taldeak onartzeko Proiektua / Proyecto para autorización de grupos de ´Diversificación Curricular´

Lan proposamena

Hona hemen blogak gelan erabiltzeko, mintegitik proposatzen den jarduera -sekuentzia:

Deskribapena:
Mintegiko irakasle bakoitzak pelikula bat aukeratuko du bere ikasleekin lantzeko. Filma eta bertan planteatzen den gaia landu ondoren, ikasleek, beste ikastetxeetako ikasleei zuzendutako argudiozko testu laburrak idatziko dituzte. Testu horrek izan beharko ditu bi atal: lehenengoak, jasoko ditu pelikula hori gomendatzeko zergatiak; bigarrenak, berriz, pelikula hori ez ikusteko zergatiak. Gero, testu horiek blog batean argitaratzea eskatuko zaie.

Jardueraren helburu nagusiak:
- Argudiozko testu sinpleak ekoiztu irakurle ezezagunei zuzenduta.
- Blogen funtzionamendua ulertu eta sarrerak jarraitu edota egiten ikasi.

Urratsak:
1. Irakasleek, gure mintegian proposatutako bilduma batetik film bat aukeratzen dute beraien ikasleekin ikusi eta lantzeko.
2. Ikasleek testu labur bat idazten dute arrazoiak ematen ikusitako filma gomendatzeko eta ez gomendatzeko:
- Zirriborroak bakarka egingo dira.
- Hirunaka blog sarrerarako testu bakar bat idatziko dute.
3. Hirukoteek sarrera idatzi eta argitaratzen dute.
4. Blog batean testuak argitaratzen dira (irakasleek edo ikasleek): filmarekin zerikusia duten irudi / bideo /esteka bat txertatu; idatzitako testua itsatsi...
5. Beste ikastetxeetan idatzitakoa irakurtzen da.
6. Talde handian, besteen iritziak irakurri ondoren, interesgarrien ematen duen filma aukeratzen da.
7. Aukeratutako pelikula ikusten da.
8. Helburuen eta jardueren prozeduraren ebaluazioa egiten da.

Epeak:
- Apirilaren 21eko saiorako pelikula ikusita eta testuak idatzita izan beharko dira. Saio honetan erabakiko dugu datozten urratsak nola eman.
- Maiatzaren 12rako testuak blogean argitaratuko dira eta hauek irakurri eta gero, gela bakoitzak hurrengoan ikusiko duen filma aukeratuko du. Saio honetan ebaluatuko dugu egindako lana.

Orain arte aukeratu dituzuen filmak:
- Dunboa BHIn: "Ciudad de Dios".
- Elizalde BHIn: "Diamantes de sangre".
- Langaitz BHIn: "American History X".
- Orereta Ikastolan: "Radio Favela".
- Txingudi BHIn (1): "Matrix".
- Txingudi BHIn (2): "El señor de las moscas".

Dokumentu eta helbide lagungarriak:

- Honako dokumentu honetan, aipatzen dira film bat komentatzeko orduan kontuan har daitezkeen zenbait alderdi.
- Gehiago jakin nahi izanez gero sartu helbide hauetan: "cinemaníacos" edo "el criticón".

- Bukatzeko, adibide bat: "No Country for Old Men / No es País para Viejos" filmaren kritika "berrian".

B2 maila: azalpenerako mintegian erabilitako zenbait baliabide

Hau da mintegian erabili genuen aurkezpena:

View Upload your own

Material hau Power Point fitxategian deskargatu nahi izanez gero, hemen duzu

Ikusi nahi baduzu B2 probaren adibide bat, berriz, Isei-Ivei-en webgunean sartu zaitezke (B2 probarako itemak ).

Bukatzeko, B2 mailako deskriptore guztiak ikusteko sartu hona

Hurrengo saiorako (otsailaren 11n): egin beharreko etxeko lanak

1 - Aukeratu komentatu edo aipatu nahi duzun weborri bat eta URL helbidea kopiatu, xaguaren eskuineko botoiari emanez helbidearen gainean.
Adibidea: http://www.euskara.euskadi.net/r59-15172x/eu/hizt_el/index.asp Elhuyar hiztegirako lotura zuzena egin nahi izango banu.- Zure blogean sarrera berri bat egiten hasi ('Nueva entrada' > redactar).
2 - Bertan zure blogean azaldu nahi duzuna idatzi, adibidez, 'Elhuyar Hiztegia'.
3- Hitz horiek xaguarekin aukeratu eta gero, goiko marran azaltzen den 'vinculo' ikonoan klikatu (bolatxo berdea).
4 - Agertuko zaizun leihoan URL (helbide elektronikoa) kopiatu eta 'aceptar'.
5 - Honelako zerbait ikusi beharko duzu Elhuyar Hiztegia

Hau guztia urratsez urrats ikusteko, hona hemen "Slideshare" labur bat:

View Upload your own

Blogen teknikarekin jarraitzeko ariketak

Gaurko saioan probatu ez baduzu, anima zaitez hauetariko ariketaren bat egitera:

1. Nola txertatu irudiak.
2. Nola txertatu soinuak entzuteko 'erreproduktore birtualak'
3. Nola txertatu bideo baten 'pantaila' blogean bertan ikusi ahal izateko.

Azken hiru ariketetarako jarraibideak aurreko sarreran aurki ditzakezu ("2. Irudiak, soinuak eta bideoak... nola txertatu")

4.saiorako zenbait ariketa eta argibide

1. Baimenei buruz...
1.aukera:
Configuración > Comentarios > Mostrar/Ocultar.
Lehenengo erabakia: ea iruzkinak jartzeko aukera eman nahi dugun ala ez.
2.aukera:
Configuración > Comentarios > Persona que puede realizar los comentarios.
- Edozeinek.
- Blogean idazteko baimena eskatzen dutenek.
- Google kontu bat duen edozeinek.
- Bakarrik blogean idazteko baimena dutenek.
3.aukera:
Configuración > Comentarios > ¿Desea habilitar la moderación de comentarios?
- Baietz aukeratuz gero, iruzkinak argitaratuak izan baino lehenago, zuek mezu bat jasoko duzue e-postaz onartu edo ezesteko aukera izateko. Bloga kudeatzera sartuz gero ere ‘debe moderarse x comentarios’ mezua ere irakurtzen da. Bertan klikatuz, onartu edo ezesteko aukera ematen da.

2. Irudiak, soinuak eta bideoak... nola txertatu:

Irudiak.
Bi aukera:
- Zure ordenagailuan dagoen irudi bat igo.
- Interneten jadanik dagoen irudi baten esteka jarri.

Ariketa:
- Hasi sarrera berri bat egiten zure blogean.
- Sartu ‘Blog de Rivendel’en sarrera honetan, eta aukeratu esaera bat. Kopia ezazu zure sarreran.
- Flickrcc webgunean sartu eta irudi bat aukeratu zure esaera ilustratzeko. Gorde ezazu zure ordenagailuan (‘mahaigana’ edo ‘escritorio’ tokian gorde gero, saioaren bukaeran, erraz ezabatzeko).
- Zure sarrera berriaren leihatilan ‘Añadir imagen’ ikurra klikatu. ‘Examinar’ aukera ireki eta gordeta duzun irudia aukeratu.
- ‘Subir imagen’ aukeratu. ‘Finalizado’ari eman.
- ‘Publicar entrada’
Adibidea:



Zenbat buru, hainbat aburu





Soinuak.
- Grabatzeko aukera ematen duen zerbitzu bat erabiliz.
- Soinu fitxategiak gordetzeko aukera ematen duen zerbitzua erabiliz.
- Interneten jadanik dagoen soinu fitxategi baten esteka jarri.

Ariketa:
- Hasi sarrera berri bat egiten zure blogean.
- Sartu Radioblog Club weborrian eta bilatu abesti bat.
- Abestiaren izenaren ondoan, ezkerreko aldean, azltzen den ikono urdinean klikatu.
- Irekitzen leiho berrian, eskuineko aldean, bilatu 'Copia/pega este código en tu blog' eta azaltzen den HTML kodea kopiatu.
- Zure sarrera egiteko leihoan ‘Edición de HTML’ aukeratu eta hor kopiatu.
- ‘Publicar entrada’
Adibidea:



Bideoak.
- Bideo fitxategiak gordetzeko aukera ematen duen zerbitzua erabiliz.
- Interneten jadanik dagoen soinu fitxategi baten esteka jarri.

Ariketa:
1. Hasi sarrera berri bat egiten zure blogean.
2. Sartu Youtube weborrian eta bilatu bideo bat bat. ‘Insertar’ hitzaren azpian azaltzen den kodea kopiatu.
3. Zure sarrera egiteko leihoan ‘Edición de HTML’ aukeratu eta hor kopiatu.
4. ‘Publicar entrada’

Adibidea: