Blogen erabilera Gizarte Zientzietan eta Hizkuntzen irakaskuntzan Bigarren Hezkuntzan

2011-05-16

Publizitatea lantzeko zenbait proposamen

Ana Isabel Romeok eta Lourdes Domenechek, "Entre textos" blogean, publizitatea lantzeko proposamen ezberdinak eskeintzen dizkigute. Horietako batzuek, ikuspuntu dibertigarria eta lan mamitsua elkartzen dituzte. Ea zer iruditzen zaizuen.

2011-05-12

Ikasturte bukaerarako zenbait jarduera dibertigarri

Hona hemen baliabide batzuk ikasturteko azkeneko asteetan jarduera entretenituren bat antolatzeko:

Viscosity, Picasso Head eta Taller de esculturas virtuales, adibidez, sormena lantzeko aukera ematen dute. Sortutako irudietan oinarritutako testuak idaz daitezke paperez edo online erakusketa bat egiteko.

Kapera Sixtinoa ezagutzeko, elementuen bilaketan oinarritutako ariketak proposa daitezke.

Flash Mapa Interaktiboak web gunean puzleak, galderak eta tokiak identifikatzeko ariketak aurki daitezke.

Eta bukatzeko, artea lantzeko joko pare bat: Guido contra el señor de las sombras eta Juego de las miradas.

2011-04-11

Zenbait baliabide eskuratzeko orriak

FILOSOFIA

Filosofiaren historiari buruzko aurkezpenak Adibide bat:

Filosofos presocraticos 2.0

EKONOMIA

Ecomur: informazioa, datuak, bideoak...

GEOGRAFIA

Mapagunea: euskarazko mapak

2011-04-10

Online itzultzaile bat eta ahoskatzaile bat

Sitepal online itzultzaileak hainbat hizkuntzaren arteko itzulpen sinpleak egiteko aukera ematen du. Tresna hau erabilgarri suerta daiteke ingeleseko gelan gramatika lantzeko (esaldi baten itzulpena aurreratuz, emandako itzulpena azteruz gaizki balego...)

Programa berak beste aukera hau dauka: idazten dugun testua ahoskatzea. Beste hainbat hizkuntzaren artean euskara duenez, ikasle etorri berriei edo zailtasun handiak dituzten beste ikasleei baliagarria izan dakieke bakarka praktikatzeko.

2011-04-09

Ideia didaktikoak

GIZARTEA

Hizkuntza eta gizarte esparrua Antigua-Luberri BHIko talde batek lanak aurkezteko eta curriculum gaiekin lotura duten informazioa eskuratzeko erabiltzen da.

HIZKUNTZA
Palindromoetan oinarritutako jarduera batzuk jasotzen dira sarrera honetan. Horrelako lana, dibertigarria izateaz gain, morfologia eta sintasia lantzeko baliagarria izan daiteke.

Nik enara neraman amaren aranekin

Berriketan blogetik ere zenbait ideia motibagarri atera ditzakegu.